Deputeti i komunitetit egjiptian në Kosovë, Fridon Lala, ka deklaruar se qeveria aktuale ka qenë ndër më bashkëpunueset dhe më mbështetëset për komunitetet jo-shumicë.

Në një periudhë prej katër vitesh angazhimi të vazhdueshëm, janë realizuar projekte me një vlerë totale prej mbi 25 milionë euro në mbështetje të këtyre komuniteteve. Sipas Lalës, këto investime kanë pasur ndikim të ndjeshëm në përmirësimin e kushteve të jetesës dhe integrimin e komuniteteve egjiptiane, rome dhe ashkalinjë në shoqërinë kosovare.

Në vijim, ai theksoi rëndësinë e bashkëpunimit të ngushtë ndërmjet institucioneve shtetërore dhe përfaqësuesve të komuniteteve për të siguruar që projektet të adresojnë nevojat specifike të këtyre grupeve.

“Mbështetja e qeverisë ka qenë e jashtëzakonshme. Për herë të parë kemi parë hapa konkretë që reflektojnë një përkushtim të vërtetë ndaj barazisë dhe zhvillimit të qëndrueshëm për të gjithë qytetarët,” u shpreh Lala.

Ai u zotua se angazhimi i tij për përfaqësimin dhe fuqizimin e komunitetit egjiptian dhe komuniteteve të tjera do të vazhdojë edhe në vitet në vijim.