Prishtinë, 17 nëntor
Në kuadër të Kolegiumit për Komunitete pranë Asociacionit të Komunave të Kosovës, i kryesuar nga Dr.sc.Lendrit Qeli , u mbajt takimi i parë për këtë vit, me pjesëmarrjen e Kryeministrit në detyrë të Republikës së Kosovës, z. Albin Kurti, Ministrit në detyrë të MAPL-së, z. Elbert Krasniqi, ish-ministrit dhe Nënkryetarit të Kuvendit, z. Nenad Rasić, Ambasadorit të OSCE–Misionit në Kosovë, z. Gerard McGurk, Drejtorit të Asociacionit të Komunave të Kosovës, z. Sazan Ibrahimi, udhëheqësve të ZKKK-ve nga të gjitha komunat dhe përfaqësuesve diplomatikë.
Takimi kishte për qëllim shqyrtimin e rolit, sfidave dhe mundësive për përmirësimin e funksionimit të Zyrave Komunale për Komunitete dhe Kthim (ZKKK).
Në fillim të takimit, Kryesuesi i Kolegiumit për Komunitete dhe Kthim, njëherit Udhëheqës i Zyrës për Komunitete dhe Kthim në Rahovec, Dr.sc. Lendrit Qeli, nënvizoi sfidat kryesore me të cilat përballen ZKKK-të, duke përmendur mungesën e buxhetit adekuat, nevojën për ngritje të kapaciteteve profesionale, paqartësitë ligjore dhe nevojën për përditësimin e Udhëzimit Administrativ, si dhe forcimin e koordinimit ndërinstitucional.
Ai theksoi se, në këtë kontekst, është thelbësore:
Dr. Qeli shtoi se vetëm përmes mbështetjes së koordinuar dhe angazhimit të përbashkët, ZKKK-të mund të realizojnë plotësisht misionin e tyre në shërbim të komuniteteve.
Ndersa , kryeministri Kurti theksoi rëndësinë e koordinimit mes qeverisë dhe komunave për të siguruar qasje gjithëpërfshirëse ndaj komuniteteve joshumicë dhe nënvizoi se politikat qeverisëse gjatë këtyre katër viteve kanë synuar që asnjë qytetar të mos mbetet i harruar.
Gjatë fjalës së tij, ai përmendi disa nga arritjet kryesore:
Kryeministri Kurti theksoi gjithashtu rëndësinë e koordinimit mes komunave dhe nivelit qendror, si dhe nevojën për përmirësimin e qasjeve dhe shërbimeve publike për komunitetet, në mënyrë që çdo qytetar të ndihet i integruar dhe të ketë mundësi të kontribuojë në zhvillimin e shoqërisë dhe shtetit.
Në fjalën e tij të hapjes, Shefi i Misionit të OSBE-së në Kosovë, Ambasadori Gerard McGurk, theksoi rolin thelbësor të këtyre strukturave komunale në sigurimin e qeverisjes gjithëpërfshirëse.
“Zyra Komunale për Komunitete dhe Kthim (ZKKK) mbeten një shtyllë e rëndësishme brenda kuadrit të qeverisjes lokale në Kosovë – një mekanizëm institucional që lidh komunitetet me institucionet dhe kontribuon në vendimmarrje të përgjegjshme, përfaqësuese dhe gjithëpërfshirëse,” tha Ambasadori McGurk, duke theksuar se, megjithëse janë bërë përparime, ritmi i kthimeve të qëndrueshme në Kosovë mbetet i ngadaltë për shkak të sfidave të vazhdueshme në siguri, pronësi, akses në shërbime dhe barriera socio-ekonomike me të cilat përballen personat e shpërngulur.
Ai nënvizoi nevojën për një mjedis mbështetës, i cili jo vetëm mirëpret kthimin e personave, por gjithashtu mundëson aktivisht integrimin e tyre.
Takimi përfundoi duke nënvizuar se vetëm përmes koordinimit të ngushtë mes qeverisë dhe komunave, mbështetjes buxhetore të qëndrueshme dhe angazhimit të përbashkët, ZKKK-të mund të realizojnë plotësisht misionin e tyre për përfaqësimin, integrimin dhe mirëqenien e komuniteteve joshumicë në Kosovë. Ky takim shërbeu si një hap i rëndësishëm drejt përmirësimit të shërbimeve lokale dhe avancimit të bashkëpunimit ndërinstitucional për të mirën e përbashkët.
Portali i RTV Prosperiteti u mundësua përmes projektit “Luftimi i dezinformimit dhe propagandës përmes edukimit medial për komunitetet joshumicë në Kosovë” i financuar nga Ambasada e Shteteve të Bashkuara të Amerikës në Kosovë, me grant për gazetën online Reporteri.net.
E-mail: [email protected]
Rtv-Prosperiteti, © 2025 Të gjitha të drejtat e rezervuara.
